Тилхепе алра чух карт! туртам...

Тилхепе алра чух карт! туртам,

тĕлĕнсе пăхса юлтăр урам.

Хыçăмран хăвалать çил-тăман,

хăтăласшăн тарса чунăм ман.

Кам савни ултавпе тӳснĕ шар,

лар сиксе, вĕçтерер юнашар.

Те кулар-и пĕрре, те йĕрер,

юратма та пĕлмен тетерер?

Яш-çамрăкăн чăрсăр чĕри

ытлашши алхасу теччĕр-и?

Эй, янра, шăнкăрав! Хытăрах!

Урхамах ĕрĕхсе пытăрах.

Хыçăмран хăвалать çил-тăман,

хăтăласшăн унран чунăм ман...

1977, октябрĕн 31-мĕшĕ, Шупашкар

Çĕнĕ комментари хуш