«Ăмсанмастăп пачах, тарăхмастăп...»

Ăмсанмастăп пачах, тарăхмастăп.

Кĕвĕçмешкĕн те кăмăлăм çук.

Кĕвĕç çын маншăн — мĕскĕн алпастă,

Чурăс чунлă чура вăл кучух.

Сан пекех, ирĕке ăнланатăп.

Эс саркайăк пулма пултарсан,

Мĕншĕн эпĕ хăлат пулаймастăп —

Тивлетӳ ытларах-и мĕн сан?

Савăла савăлпа кăлараççĕ,

Ултава чăнлăхпа хирĕç çап.

Этеме таса чуншăн хаклаççĕ,

Этем чысĕ — чи сулăмлă чап.

1968, çу, 13

Шупашкар.

Çĕнĕ комментари хуш