Юрататăп

Юрататăп тăван çĕршыва,

Хăват панă асамлă шыва,

Юрату парнеленĕ Çĕре,

Çĕнĕ кун паракан çĕн ире.

Юрататăп тăван ял-йыша,

Уйрăм илнĕ кашни чăваша —

Хăйне майлă сăнне, сăпатне,

Тавçăрса илейми пултăкне.

Юрататăп тăван кĕтесе,

Аякри сенкер илнĕ тĕсе.

Пурнăç панă атте-аннене,

Сумлă-ятлă тăван-пĕтене.

Юрататăп тăван çĕршыва,

Юрататăп тăван ял-йыша,

Юрататăп тăван кĕтесе

Ачаран юратса çитĕнсе.

Çĕнĕ комментари хуш