Çурма каччă

Петĕр Ялгир | Юрă | 456


Каччă хĕре юратать,

Пуррине унпа пайлать.

Пĕрехмай çиет канфет,

Хĕрне фантик парнелет.

 

Каччă хĕре юратать,

Пуррине унпа пайлать.

Пер банан илсе парсан,

Çуррине илет çыртса.

 

Каччă хĕре юратать,

Пуррине унпа пайлать.

Унпа пулать кинора,

Çур хак унран сăптăрать.

 

Каччă хĕре юратать,

Пуррине унпа пайлать.

Çĕрле хĕре ăсатать,

Çур çултан килне тарать.

 

Каччă хĕре юратать,

Пуррине унпа пайлать.

Çурма чунлăскерпеле

Тупма пулĕ-ши телей?

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ: