Электронлă вулавăш

«Мĕнле-ха пурнăçсем?» —

тесе ыйтатпăр

Пĕр-пĕринчен

курмассерен куллен.

Тытатпăр алă,

вăйлă чăмăртатпăр...

Хуравĕ паллă малтанах:

— Хуллен.

 

Вара каллех хуланалла

йăрккатпăр,

Таçта васкатпăр

каç пуличченех.

Ним шухăшсăр, каçарăр,

пурăнатпăр,

Çаплах пулать-ши мĕн

виличченех?..

 

Тăван яла çапах аса илетпĕр

Канмалли кун çитсессĕн тепĕр чух.

Пуçтарăнса çемйипелех

килетпĕр.

Тăван кĕтес, санран хитрийĕ çук!

 

Тăван кĕтес...

Чăн-чăн сиплевçĕ евĕр

Чун-чĕрене сиплетĕн ĕмĕрех.

Ыраш пусси,

е хĕрлĕ пуçлă клевер,

Е çĕмĕртпе сиренĕ

килсерен...

 

Çакна епле-ха чунăмран

кăларăн,

Мĕнле манайăн пысăк

хулара?

Вал тĕлкĕшет нихçан сӳнми

кăварăн,

Сӳнме памастăп,

чунăм,

ан хăра.

 

— Мĕнле-ха пурнăçсем? —

тесе ыйтсассăн

Чуна уçас килет те тепĕр чух,

Çапах «Хуллен» тесе

сывлатăн ассан...

Çук...

чунăма итлекеннийĕ çук.

Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —

Хаклав:

Шухăшĕ: --...вăйсăр...мухтамаллах   мар...вăйлă
Чĕлхе илемлĕхĕ: --...илемсĕр...чаплах   мар...илемлĕ
Содержанийĕ: --...ăшах...вăтам...тарăн