Ыр сунар-ха пĕр-пĕрне

Лидия Ковалюк | Сăвă | 449


Антонина Арсентьевна Николаевăна, тусăма

 

Ăшă çил вĕрчĕ — ырă-çке чуна,

Çутă шыв чĕр кĕмĕл евĕр ыткăнать.

Эх, юрлар-ха, юратар-ха пĕр-пĕрне,

Çутă сĕм кĕртер-ха юлнă кунсене.

 

Васкавлă ишекен шух кимĕлле

Шав ăнтăлатпăр çут инçетелле.

Вĕçетпĕр чарланла — чун, тӳсĕм пар,

Таçта çитме те пур-ха пархатар.

 

Лĕп çил кăшт вĕрчĕ — ăшă чĕрене,

Юханшывсем чупаççĕ инçене.

Туссемĕр, ыр сунар-ха пĕр-пĕрне,

Кӳрер хаваслăх шутлă кунсене.

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ: