Воспитатель

Регина Чернова | Сăвă | 453


Воспитатель — çĕр професси хушшинче

Уйрăлсах тăмасть ыттисенчен.

Анчах маншăн темшĕн çав-çавах

Пуринчен çак ĕç хаваслăрах.

 

Мана шанса панă ачасем

Чи пĕчĕккисем, сатуррисем.

Выляма-кулма ăста вĕсем,

Юрă-ташăра та малтисем.

 

Чĕрӳнте вут-çулăм алхассан

Ан кăтарт çавна ачасене.

Хуçăлса йĕрес килет пулсан та

Савăккăн кулма сан пĕлмелле.

 

Ăс парса каланă сăмахсем

Маншăн пулчĕç чи хаклийĕсем.

Юратсассăн çеç ачасене

Эсĕ курăн ĕçĕн илемне.

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ: