Çĕнĕ кун

Çĕнĕ кун вăл — çĕнĕ пурнăç,

Çук унта халь ĕнерхи.

Çĕнĕ кун вăл — çĕнĕ курнăç,

Пултăр çеç вăл лайăххи.

Япăххине манса кайăр,

Ан куçтăр вăл çĕн куна.

Çут хĕвеле шав пуç тайăр,

Ăшăтать-çке вăл чуна.

Ыррине çеç эсир шырăр,

Пытăр пурнăç малалла.

Усал хыççăн тек ан кайăр,

Юлас марччĕ каялла.

Çĕнĕ кун вăл — çĕнĕ ĕмĕт,

Пурнăçлантăрччĕ ялан.

Савнă çыннăм, çĕннине кĕт,

Çĕн куна ырла паян.

2010, 12, 31

Çĕнĕ комментари хуш