«Сар хĕвел! Ăмсанатăп сана...»

Сар хĕвел! Ăмсанатăп сана:

Савнине ăшшуна параятăн.

Савнине ăшшуна параятăн,

Шевлӳне ун çине яраятăн.

Çил ачи! Ăмсанатăп сана:

Савнине тутинчен чуп тăватăн.

Савнине тутинчен чуп тăватăн,

Ун çӳçне юратса ачашлатăн.

Юр пĕрчи! Ăмсанатăп сана:

Савнине сĕртĕнсе кăтăклатăн,

Куç харшийĕ çине лараятăн.

Çăлтăрсем! Ăмсанатăп сире!

Савнине каçсерен кураятăр.

Савнине каçсерен кураятăр,

Тен, кампа ларнине те сăнатăр.

Çĕнĕ комментари хуш