«Каçса кайса вулатпăр-и роман...»

Каçса кайса вулатпăр-и роман

е каласа парать-и ветеран —

чун-чĕрене хыватпăр: чăннипех,

фашист йăхне хăюллăн çĕннипе

çуралнă вăрçăра пăхаттирсем —

çĕршывшăн ĕмĕр-ĕмĕр чĕррисем.

Хисеп те чью мухтавлă паттăра!

Анчах та урăххи те пур асра:

васканă хăшĕ юнлă вăрçăрах

сутма та сутăнма, хăра-хăрах.

Сутма васканă — пурнăç илемне,

тупма васканă — йытă вилĕмне!

Çĕнĕ комментари хуш