Кĕтнĕ хĕл

Ирина Сатлайкина | Сăвă | ачасен пултарулăхĕ | Ачалăх урамĕ | хĕлле | Хĕл Мучи | 537


Акă çитрĕ кĕтнĕ хĕл,

Урама тухса эс пĕл.

Савăнса шур пĕрчĕсем

Ӳкеççĕ çĕр çине вĕсем.

Ачасем хĕле саваççĕ,

Йĕлтĕрсемпе ярăнаççĕ.

Çунашкапа, конькипе

Хутаç çинче, кут çинче.

Кил умĕнчи Мучие

Ачасем юртан тăваççĕ.

Юнашар Юр пикене

Савăнсах капăрлатаççĕ.

Эпĕ те хĕле саватăп,

Туссемпе пĕрле вылятăп.

Питĕ лайăх япала,

Кĕтнĕ хĕл çитрĕ яла.

Мучи те мана савать,

Питрен чуп туса илет.

Хур аçи пек туйăнать,

Питĕ хытă чĕпĕтет.

Юр ăшне часрах чăматăп,

Пите юрпа явалатăп.

— Хĕл мучи, манран ан кул!

Хĕрлĕ йĕр, питре ан юл!

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ: