Эпир катаччине тухманччĕ...

Сăвар Эртиван | Сăвă | 1989 | 439


Эпир катаччине тухманччĕ,

эпир тухманччĕ ярăнма.

Тахçан пирĕн умра тăманччĕ,

пуçланă çеçчĕ пурăнма.

 

Тăван-пĕтенсенчен кĕтмесĕр

çукран пур турăмăр пулсан,

кала, мĕн-ма чунна кĕртмесĕр

пурнатăн эсĕ? Мĕн çук сан?

 

Хваттершĕн эпĕ тапаçланмăп.

Мана кавир те кирлĕ мар.

Хĕр пĕрчĕке нихçан та манмăп,

атя юлташ пулсах юлар.

 

Санра шырамăп тĕрлĕ айăп,

эп хам, эп хам чи айăпли.

Сăмахсăрах ăнлантăм. Кайăп.

Пулассине Турри пĕл-и?

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ:

Шухăшсем