Çутçанталăк — пирĕн кил

Поэта тăван тавралăх

Тарăнах шутлаттарать.

Вăрманпа шыври тасалăх

Кунран-кун таçта тарать.

Пултарулăх тĕрлĕ тĕслĕ

Асамат кĕперĕ пек.

Пур ыйту та вёçсе килчĕ

Йăлтăр çиçĕм çиçнĕ пек.

Паянхи кунра, пĕлсемччĕ,

Çĕр пирки сăмах нумай.

Вăрансан тăпра поэчĕ

Ĕçсем пырĕччĕç самай.

Çĕр çинче хуçа эпир вĕт,

Çутçанталăк — пирĕн кил.

Пур ĕçе тумашкăн тивĕ,

Ухсай панă ырă пил.

Çĕнĕ комментари хуш