Электронлă вулавăш

Санпа пĕрле чухне тĕнче епле хитре.

Санпа анчах кĕтесчĕ ман ире.

Шуçам çути ачашшăн сĕртĕнĕ пире,

Аш савăнăç çурапĕ сăн-питре.

Хушса юрламалли:

Санпа пĕрле, санпа пĕрле

Улăх тăрăх чупас килет,

Санпа пĕрле, санпа пĕрле

Çӳл тӳпене вĕçес килет.

Санпа пĕрле, санпа пĕрле

Тăри юрри итлес килет.

Санпа пĕрле, санпа пĕрле

Хĕвел шевли тытас килет.

Санпа пĕрле чухне кулать, юрлать чĕре,

Çут куççуле çăтап йĕре-йĕре.

Эс маншăн вĕçсĕр уçлăхра пĕртен пĕрре.

Санпа анчах вĕçлесчĕ ĕмĕре.

Хушса юрламалли:

Санпа пĕрле, санпа пĕрле

Сипетлĕ шыв ĕçес килет,

Санпа пĕрле, санпа пĕрле

Чун юррине итлес килет.

Санпа пĕрле, санпа пĕрле

Хыр вăрманне каяс килет.

Санпа пĕрле, санпа пĕрле

Хура çырла татас килет.