Вилсен те усăллă пуласчĕ

Вилсен те усăллă пуласчĕ,

Хĕвел пулса çӳлтен куласчĕ.

Хам халăха ялан куласчĕ,

Хам халăха ялан юрасчĕ.

Чун ăшшине ăна парасчĕ,

Чун çутине ăна ярасчĕ.

Эпир кашни — хĕвел хĕлхемĕ.

Турă ачи — чăваш этемĕ.

Чăваш чĕлхиллĕ турăсем

Çут тĕнчене кӳнĕ илем.

Кам иккенне эпир манман.

Çӳл тӳперен ахаль анман.

Турăсенчен илнĕ пехил,

Çĕр чăмăрне тума ЫРКИЛ.

Çĕнĕ комментари хуш