Аттесем

Николай Янгер | Сăвă | вăрçă | атте | 467


Эпĕр питĕ телейсĕр çуралнă —

Аслă вăрçă пуçланнă çулта.

Аттесем çапăçу хирне кайнă —

Арçынсем сахалланнă ялта...

 

Аттесем вăрçăра парăнмарĕç —

Ăнланатпăр вĕсем тӳснине.

Аттесем вăрçăран таврăнмарĕç —

Пĕлеймерĕç эпир ӳснине.

 

Вăрçă шавĕ кĕрлерĕ те иртрĕ —

Арканмарĕ текех çирĕп мир.

Пуçсене шурă юрĕ те витрĕ —

Асатте те халь пулнă эпир.

 

Тахçанах пирĕнпе çук пулин те —

Манăçмаççĕ нихçан аттесем.

Нимле вăрçă ан курччăрччĕ ĕнтĕ

Паянхи ачасен ачисем!

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ: