Юлашки хут

Аркадий Русаков | Юрă | 411


Ак, килчĕ-çитрĕ уйрăлу —

Кĕтмен хăна.

Телейлĕ пултăр сан çулу,

Ан ман мана.

 

Хушса юрламалли:

Юлашки хут санпа эпир паян.

Юлашки хут сана манпа аван.

Куçран пăхса тăрар-ха

Пĕр-пĕрне.

Лăплантарар кăштах

Чĕресене.

 

Утма васкавлăн кирлĕ мар —

Чупса ан ут.

Эпир пыратпăр юнашар

Юлашки хут.

 

Куçран куççулĕм тăкăнать,

Чунра ман — вут.

Чуп ту, савни, чуп ту мана

Юлашки хут.

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ:

Шухăшсем