Эфирти калаçу

Аркадий Русаков | Сăвă | 548


Эпĕ — Владивостокра.

Эсĕ — хăвăн ялунта.

Телефон ман тухăçран

Çитерет сасса унта.

Юрату вăл — уйрăлу.

Анчах та телефонра

Илтĕнет сассу, куллу,

Пулсан та эс аякра.

Эп ыйтсассăн: «Еплерех

Пурăнатăн мансăр эс?»

Хуравлатăн: «Чиперех!

Кулянса ма-ха çӳрес?»

Калаçатпăр çĕрĕпе

Ун çинчен те кун çинчен

Кĕсъе телефонĕпе

Санпа эпĕр мĕн ирччен.

Эп калатăп: «Кĕт мана

Юратан мана пулсан!»

«Юрĕ», — тенĕ сассуна

Илтсен, савăнап чунтан.

Итлесем океана,

Ун шавлаççĕ хумĕсем.

Эфирти сан сассуна

Хуплаймаççĕ çеç вĕсем.

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ:

Шухăшсем