«Пĕренесем тунк! çурăлаççĕ...»

Микул Пулар | Сăвă | 460


Пĕренесем тунк! çурăлаççĕ,

Шарт! вăратаççĕ ыйхăран.

Çав вăхăтра шап çурăлаççĕ,

Асамлă йĕркесем чунра...

 

Тылланă кантăр сӳсĕ евĕр,

Палкать шур сĕрĕм тăрпаран.

Хĕл кунĕсем ытла хĕрхевсĕр,

Кукша пуçне шăлать вăрман.

 

Ытла та сивĕ, сивĕ, сивĕ...

Сисмесĕрех чун пăрланать.

Ăçта вăл чăнлах? Çĕнĕ-кивĕ...

Ăçта ун вĕçĕ упранать?

 

Ун тупсăмне хăçан — кам пĕлĕ?

Аваллăх вăрттăнлăх упрать.

Хĕвел анать — хуплать сĕм пĕлĕт,

Çаплах пĕр кун иртсе каять...

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ:

Шухăшсем