Куршанак

Мана эсĕ курсанах,

Йĕкĕлтетĕн: «Куршанак!

Ма çӳретĕн ман хыçран,

Вăтанмастăн та çынран!

Куршанак, куршанак,

Юрататăн-им мана?»

«Юрататăп эп сана,

Çунтаратăн ман чуна,

Каçхине те ирхине

Пăлхататăн чĕрене».

«Куршанак, куршанак», —

Йĕкĕлтетĕн эс мана.

«Куршанакăм, куршанак

Ан кӳрен çав таранах!

Çывхарах кил хам çума —

Ансат пулĕ чуптума.

Куршанак, куршанак,

Парччĕ, тусăм, аллуна!»

Çĕнĕ комментари хуш