Слакпуç таврашĕнче
Кĕçтенттин Иванов ялĕнче
Ирлĕ-каçлă куккук авăтать.
Çĕмĕрт, хурăн — вăрманлă тĕнче
Сăвăç утнă çула астăвать.
Инçетрен паллашма Слакпуçпа
Килнĕ чух ман чĕре хумханать.
Пăлханса тинкеретĕп куçпа —
Асилмешкĕн кайран çак куна.
Кам ан çунтăр килесшĕн кунта,
Нарспипе ун каччин çĕршывне?
Чунĕ кашни чăвашăн туртать
Çак сăваплă хитре ял енне.
Хушăлка ялĕнчен Тăхтаман
Вăрман витĕр утпа килет пек.
Çамрăк каччă Сетнер те паян
Тĕл пулса пуплес пек пирĕнпе.
Янăрать пек Нарспи юрлани
Шăнкăр-шăнкăр çырма хĕрринче.
Ун Сетнерĕ, юратнă савни,
Ачашлать сар хĕре аллинчен.
Шăхличпе, ав, кĕтӳç шăхăрать,
Тăрăс-тăрăс! сикет путекки,
Михетер ăйăрне шăварать,
Çывăхрах сас парать шывсикки...
Кĕсле тăвĕ çине улăхсан,
Курăнать таврана пит инçе.
Çывăрать-мĕн çыравçă Ухсай
Вăранми ыйхăпа ту çинче.
Чăваш ялĕ Слакпуç çĕрĕнче
Уйрăмах илĕртеç чечексем.
Икĕ сăвăç ятне, тенĕ пек,
Çепĕç юрă юрлаç шăпчăксем.
Шухăшсем
В мире, где чистота и здоровье становят...
Is your Chuvash website missing out on l...
Квиз — это увлекательная игра-викторина...
Доверьтесь нашему опыту и профессионали...
What if your Chuvash website expe...
Наша компания - это ключ к вашему идеал...
Not getting enough leads for Chuvash? Ch...
Качественный асфальт выдерживает любые п...
Замечательное поэтическое творение...
Аван çырнă вăл вăхăтра ...