«Кĕвĕллĕ уçă шыратăп...»

Михаил Сунтал | Сăвă | 479


Кĕвĕллĕ уçă шыратăп

Çак тĕнчене уçма.

Хам та ача пек пыратăп,

Пĕр мечĕк çапса урампа...

 

Анчах та тĕнче вăйă мар-тăр,

Пурнăçăм сцена мар.

Такам ахалех каланă —

Эпĕ артист мар!

 

Пĕрех темĕскер шыратăп,

Çак пурнăçра куç тулли.

Çак кĕвĕре, тен, тупатăп

Чун уççине хам валли.

 

Чуна хамăнне уçсассăн,

Тĕнче те вара уçăлать,

Эпир те кунтан кайсассăн,

Сире валли вырăн юлать...

 

Кĕвĕллĕ уçă шыратăп,

Çынпа уçăрах пулса...

Тен, эпĕ телей куратăп,

Çакă юрра юрласа?

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ: