Куçăм, ан шывлан

Хутăм шурă хут ума,

Лартăм сăвă эп çырма.

Хĕрĕхрен иртнĕ пуçпа

Çĕн ĕçе тытăнас-ха.

Тĕрлĕ шухăш пуçăмра,

Пĕтĕмпех ман асăмра.

Курмалли тата мĕн пур?

Савăнăç е хуйхă-хур?

Пулчĕ тĕрли пурнăçра,

Çын йĕмест вăл хавасран.

Хĕн-асапĕ — пысăк лав,

Кĕмĕлленчĕ ман тăнлав.

Пулчĕ савнăçĕ-кулли —

Пулаймарĕ вăл тулли.

Вырнаçать вăл хутаçа

Тата пĕчĕк ывăçа.

Куçăм, ытла ан шывлан,

Начар пулмĕ-ха ялан.

Чунăмпа шанатăпах:

Çăлтăра тупатăпах.

Çĕнĕ комментари хуш