Купăсçине юратап

Купăс сасси ян каять,

Кăмăла çĕклентерет,

Пĕлменни те чăтаймасть,

Савăнса вăл сиккелет,

Хушса юрламалли:

Тĕрлĕ тĕслĕ тӳмисем,

Тĕслĕрен ун сассисем.

Тӳмисем, тӳмисем —

Чуна илĕртекенсем.

Ун сасси савăнтарать

Авалтанах çынсене.

Хуйхăра та пулăшать,

Юрлаттарать туйсене.

Купăсçине юратап,

Пӳрнисем вылянăран.

Ун куçĕсем ялкăшса

Юратуллă пăхнăран.

Çĕнĕ комментари хуш