Электронлă вулавăш

Тытăçаççĕ ик боксер.

Эп — пĕри.

Хăшĕ пулăпăр призер,

Калĕ ринг.

Юнăмра — адреналин.

Вăл вылять.

Çапăçма мана валли

Вăй хушать.

Ман пружина-урасем

Вăйсăр мар.

Çавраçил пек алăсем

Те хастар.

Сулахай алла мала

Эп тăсса,

Унталла та кунталла

Вылятса,

Сиккелетĕп путекле,

Боксерла

Малалла, айккинелле,

Каялла.

Тепĕр алă васкамасть

Сылтăмра.

Анчах хатĕр вăл çапма

Самантрах

Çапăçакана манпа.

Вĕрет юн.

Çӳлĕ градус çавăнпа

Тытăçун.

Тăкăнать шăпăртатса

Тарăм ман.

Вăл кĕрет куçа касса

Çамкаран.

Анчах та ку — ним те мар.

Çак чармасть

Ринг çинче хĕрсе, хастар

Çапăçма.

Залран тренер вĕрентет:

- Пĕшкĕн! Çап!

Çав тери курас килет

Унăн чап.

Эп кĕретĕп тапăнса

Малалла,

Хăвăрт, харăс вылятса

Ик алла.

Лекет çапни мана та

Питĕмрен.

Вăйĕ умри боксерта

Пур иккен!

Акă, раунд пĕтрĕ. Гонг

Пачĕ сас.

Кам-ши пулĕ чемпион

Калĕ час

Судья алла манăнне

Çĕклесе,

Е çумри боксерăнне

— Çак! — тесе.

Бокс – хăюлăх! Сывлăх — спорт,

Çĕнтерӳ!

Чупĕ юн, пулсан боксер

Эс, хĕрӳ.

Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —

Хаклав:

Шухăшĕ: --...вăйсăр...мухтамаллах   мар...вăйлă
Чĕлхе илемлĕхĕ: --...илемсĕр...чаплах   мар...илемлĕ
Содержанийĕ: --...ăшах...вăтам...тарăн