Атăл айне анас терĕм....

Халăх юрри майлă

Атăл айне анас терĕм,

Йывăр пулчĕ хăпарма.

Савнă туса тупас терĕм,

Йывăр пулчĕ уйрăлма.

Çунат хушса вĕçес терĕм,

Йывăр пулчĕ таврăнма.

Савнă туса курас терĕм,

Йывăр пулчĕ шырама.

Питĕ нумай шырарăм,

Тупрăм савнă тусăма.

Анчах тусăм палламарĕ,

Кайрĕ урăх урама.

Атăл айне анас марччĕ,

Хăпармаллине пĕлсен.

Савнă туса тупас марччĕ

Уйрăлмаллине пĕлсен.

Çĕнĕ комментари хуш