«Ик йывăç хушшинче çут уйăх...»

Юхма Мишши | Сăвă | колхоз | аркату | уйăх | 330


Ик йывăç хушшинче çут уйăх —

Тӳпе маччи çинчи çурла.

Вырма пуçланă кĕрхи уйăх,

Çак çурлака халь шанмалла.

 

Комбайн çук. Ăна, ав, ватнă.

Çухалнă кивĕ çурласем.

Колхозсене йăлтах аркатнă,

Таçтан килсе, çĕн хуçасем.

 

Пит кулянса, пăхать çут уйăх

Çӳлтен асаплă çĕр çине.

Мĕн тумалла халь çакă уйăн,

Кĕтсе тырра вырассине.

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ: