«Юрăç-тусăм, нихçан юрлама ан пăрах...»

Юхма Мишши | Сăвă | 2007 | юрă | юрăç | 475


Юрăç-тусăм, нихçан юрлама ан пăрах,

Пурнас пурнăç пулсассăн та питĕ те йывăр.

Ан юрла текенсем те, пĕлетĕп, пайтах,

Пурпĕрех юрăпа чăнлăха эсĕ йыхăр.

 

Юрă вăл Турă панă чăн пурлăх, ĕнен,

Пурнаймасть юрламасăр нихçан та чăн юрăç.

Юрăпа пурнăç тăрăх утмашкăн пĕлсен,

Чăвашсем, эп пĕлетĕп, пуласлăха тупĕç.

 

Юрăç-тусăм, атя-ха, юрлар ман юрра,

Элем пултăр тесе ăна эпĕ хайларăм.

Тăванах халăха пулăшма хам чунра

Юратса та савса ăна эпĕ çуратрăм.

 

01.05.2007

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ:

Шухăшсем