«Утмасть никам та аслă шанчăксăр...»

Утмасть никам та аслă шанчăксăр —

Пайтасăр мар вĕт çут тĕнче...

Ăс-пуç кăна вылянтăр канăçсăр,

Тĕллевĕмĕр халь — мал енче,

Малтан мала, юлсан та хапăлсăр,

Пĕрех те халăх хушшинче!

Серепене ăс-хакăл парăнмĕ.

Суялăхран пĕрре писсен

Тĕллевсĕр нишлĕсем çеç макăрнă

Ултав серепине лексе —

Эпир, салтак пек, çанă тавăрнă

Çĕршыв вăй панине сиссе.

Кунçул урапине чараймăпăр —

Автансăр ялтисем патне

Эпир те, ыттисем те кайăпăр,

Анчах пĕлетпĕр чыс хакне:

Куçран перекене пуç таймăпăр,

Ӳкермĕпĕр чăваш ятне!

1973, кăрлач, 8.

Çĕнĕ комментари хуш