Ăçта кăна...

Василий Антонов | Сăвă | 409


Ăçта кăна пулмарăм-ши,

Кама кăна курмарăм-ши.

Калаçура-кĕрекере

Хама шух кăтартмарăм-ши?

 

Пĕлменнине пĕлесшĕн вĕт,

Илтменнине илтесшĕн вĕт.

Çавна кура та ман чĕре

Тĕнче касса çӳресшĕн вĕт.

 

Нимле те мул пухмарăм эп,

Тахат та пуçтармарăм эп.

Пур вĕсенчен хаклăраххи —

Пĕлӳ — тесе шутларăм эп.

 

Çынсем, усал ан пулăр-ха,

Йăваш çынран ан кулăр-ха.

Атте турра итлемесен,

Эсир те мăшкăл курăр-ха.

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ:

Шухăшсем