«Хаяр та юнлă вăрçă хирĕнче...»

А.Е. Романова

Хаяр та юнлă вăрçă хирĕнче

Чи шанчăклă тусне хăй çумĕнче

Шанать çарпуçĕ шаннă пек хăйне,

Пĕлет вăл нихăçан сутманнине.

Пит йывăр, тусăм, пирен самана,

Вăрçăри пек эпир халь яланах:

Кашни сутать хăй кӳршине, тусне,

Пĕлмест тасалăх, чăнлăх мĕскерне.

Сана шанатăп, тусăм, хам пекех,

Чăвашлăхшăн ĕçлетпĕр ĕмĕрех.

Атя, ална парсам, пуласлăха утар,

Чăвашлăха татах, татах упрар.

Ан тив, пире таптатăр самана...

Пуласлăх çук тесе санпа мана

Калаччăр халсăр чунлисем паян, —

Шанатпăр пурпĕрех пуласлăха, тăван

21.07.2007.

Çĕнĕ комментари хуш