Йĕтетрĕ çумăр, антăхрĕ ăрша...

М.В.Румянцев профессора.

Йĕтетрĕ çумăр, антăхрĕ ăрша,

Ийе кăшларĕ Пурнăçа çиламăн.

Тĕнче шанса ĕненнĕ турăша

Паян туртса çапаççĕ аслăк айĕн.

Хĕвел-аттемĕр анчĕ вăрăнса,

Пыльчăкланса выртать аттемĕр-çăлтăр.

Таптанччăр-и, таврăнайми кăнса,

Çынна çунтарнă йĕрĕх хăй те çунтăр!

Сăваллă çут тĕнче! Эс тĕрĕслĕхсĕр мар!

Кама мĕн тивнине паратăнах, мăнтарăн...

Суя çулпуçсене тĕрĕслĕхпе çунтар,

Сумри суясене эпĕ хамах çунтарăп.

Истори чăнлăхне пытараймасть тусан,

Ĕнер хуçа пулни — паян шăршланнă пыльчăк...

Паян сăваплă — кам пуçа усман,

Кам мăшкăла путман — вăл чыслă пулчĕ.

1990, юпа, 30

Çĕнĕ комментари хуш