Ӳпкевлĕ сунам

(Ешентей эптере)

Эп пултăм аякра. Ĕçлерĕм анатра.

Юратрăм чăваша та тутара.

Хисеп те чыс умра, юлташ та тус çумра

Пулман тени ан тухтăр тутаран.

Тăван енче кăна эп ниçталли хăна.

Унти чăвашăн вырăсли паха.

Хурлать килти хăрпан. Ятлать ялти тăван

Вирьял çыннин чăвашлăхĕ сахал.

Те чунĕсем кăра. Те ăсĕсем мăка:

Тăванлăхран тăраççĕ хăраса.

Çĕклесшĕн эс ăна. Упрасшăн эс ăна

Пулайĕ-ши, эптерĕм, вăратса!

1994, çĕртме, 11.

Хравути поххи.

Çĕнĕ комментари хуш