«Сан çинчен ĕмĕтленсе çитрĕм эп тĕнче хĕрне...»

Юхма Мишши | Куçару | Низами | кайăк | юрату | 473


Сан çинчен ĕмĕтленсе çитрĕм эп тĕнче хĕрне,

Хĕçпе çапнă пекех лекрĕ уйрăлу ман чĕрене.

 

Саншăн саванăç кăна ку, саншăн вăйă ку, илем,

Çак терте тек чăтаймастăп, пурнăç çук, выртса вилем.

 

Хуйхă çулĕ кăна пулчĕ сан патна утса çитни

Чăтма çук-çке пысăк терт ку — сана вĕçĕмсĕр кĕтни.

 

Тыткăнран хăтăлнă кайăк урăх тыткăç шырас çук

Тӳпене вĕçсе хăпарĕ ирĕкре çӳренĕ чух.

 

Сан çинчен тек шухăшламăп, çӳрĕп эпĕ ирĕкре,

Анчах пурпĕр эс, савниçĕм, пурнăн ĕмĕр чĕрере.

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ: