Вăрри кам?

Вăрă: «Вăрра тытăр!» — тенĕ,

Кăшкăрашнă чи малтан.

Хăй çаплах вăрра çӳренĕ, —

Йăли килнĕ авалтан.

Халь ăна «коррупци» тетпĕр,

Çавă улшăнман сасса.

Вăл пăчланасса кĕтетпĕр, —

Хăнк! та çук леш, иçмасса!

Кăшкăрать çеç айăн-çийĕн

Пуринчен те хытăрах.

Чăн та тӳрĕ çын вăл тейĕн,

Унран Тур хăтартăрах!

Ячĕ самана пек çĕнĕ,

Мĕн тăвать, эппин, хăй власть?

Чăн вăрри унта та кĕнĕ —

Унпала хуллен калаç!

Çĕнĕ комментари хуш