Юбилей ячĕпе, шурсухалăм!

Юбилей ячĕпе, ШУРСУХАЛĂМ,

Чун Халалĕн хуçи эс, Турри.

Вуласан çĕкленет вăйăм-халăм,

Ăруташăн¹ шăп — эс пурри.

Мал туртăмлă тата таса чунлă

Эс пиллетĕн пулма ĕмĕрех.

Мал утăмлă эпĕр, чыслă-сумлă...

Вĕрентсе ăс пани чĕререх.

Пехилте — ăшă туйăм, ăс-хакăл,

Пĕрлешме, кĕрешме вăл чĕнет.

Йышăнатпăр. Эпĕр — ялан хапăл,

Чун Халалĕ çавна çеç сĕнет.

Урăх шухăш, ют сĕм кĕртнĕ пулĕ

Пехилне хуп-хура юнлисем...

Вĕренӳ параканăн тĕп мулĕ —

Халала чун кĕртсе юлнисем.

Юбилей ячĕпе, ШУРСУХАЛĂМ,

Халална-пехилне — ирĕк çул!

Шанчăк пур-ха, çитет ман вăй-халăм

Çав çула якатма вăхăт пур.

¹ Ăруташ — соплеменник, сородич

Çĕнĕ комментари хуш