Пирвайхи юрату

Çĕмĕртлĕх шур тутăрпа пĕркеннĕ,

Таврана хăй тыткăнне илет.

Çут çанталăк эрешпе тĕрленнĕ, —

Юрату та вăхăтра килет.

Пирвайхи юрату хисепре,

Пирвайхи юрату чĕрере.

Пĕр-пĕрне эпир сăмах парсаччĕ

Çĕмĕрт айĕнче пĕрле пулма.

Кӳнтеле-шăпчăк юрра ярсаччĕ,

Тытăннăччĕ уйăх йăл! кулма...

Пурнăç — ыйăх, паян çеç вăрантăм,

Çĕмĕртлĕх каллех, ав, çеçкере.

Пытармастăп. Чĕререн ăнлантăм, —

Юрату асапĕ хисепре.

Çĕнĕ комментари хуш