Кĕмĕл туй

Анатолий Ырьят | Сăвă | туй | 455


Паян пирĕн, тăван, кĕмĕл туй,

Чĕрек ĕмĕр пĕрле пурăнса

Ватăлтăмăр тесе эс ан туй,

Пурнăç пырĕ татах та ăнса.

 

Ылтăн çĕрĕ çумне кĕмĕлли

Тăхăнтартрăн мана эс, савни.

Ылтăн çĕрĕ тата кĕмĕлли —

Чĕрĕк ĕмĕр пурăнăç ани.

 

Савнă мăшăр, савниех юлан

Ĕмĕрти пур туйсем иртиччен.

Эсĕ — манăн, манăнах пулан,

Çăтмахра та эс пулмăн пĕччен.

 

Паян пирĕн, тăван, кĕмĕл туй,

Кĕл чечек çеçкине сапала.

Юратмастăп тесе эс ун суй,

Ватăлатпăр тесе ан кала...

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ:

Шухăшсем