Шап-шурă пĕркенчĕк

Анатолий Ырьят | Сăвă | туй | 598


Венчетре эп ăнсăртран тĕл пултăм,

Каçарсам, чĕнмен пулсассăн та;

Пĕлĕш-тантăша курса пуç султăм,

Ытлашши çын пултăм эп унта.

 

Шап-шурă пĕркенчĕк

Сан çинче паян эп куртăм.

Шап-шурă пĕркенчĕк, —

Пуç тайса ырă çеç сунтăм.

Шап-шурă пĕркенчĕк

Телее хупларĕ курттăм,

Шап-шурă пĕркенчĕк,

Шап-шурă пĕркенчĕк...

 

Алтарь умне çурта çутса лартайрăм,

— Ан çывхар! — кĕл турăм, — ман пата...

Куçăма чуп тунă чух та тартрăм,

Чуна йывăр пулчĕ, тупата!

 

Куçăмран куççуль юхать таттисĕр,

Çуртасем йĕреççĕ шăранса...

Тăрса юлтăм пĕр-пĕччен, савнисĕр, —

Чиркӳрен тухатăп вăтанса.

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ: