Çурта йĕрет

Анатолий Ырьят | Сăвă | 412


Çурта йĕрет...

Тен, пирĕн çылăхсемшĕн?

Чунăм йĕрет...

Тен, пысăк пăрăмсемшĕн?

 

Пĕлместпĕр пурăнма.

Пĕлместпĕр курăнма.

Перетпĕр чире.

Шăрăхра ăшăнма,

Тутă чух тăранма

Хистет чун пире.

 

Пилĕмĕр тăранмасть.

Мăнтăрлăх шăранмасть.

Куç — тарăн, выçă...

Пуласлăх курăнмасть.

Пуш хăмпă çурăлмасть.

Ку — шыçă, шыçă...

 

Çурта йĕрет...

Тен, пирĕн çылăхсемшĕн?

Чунăм йĕрет... |

Тен, пысăк парăмсемшĕн?

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ: