Юрату вăл...

Анатолий Ырьят | Сăвă | юрату | 374


Кам каларĕ юрату вăл

Хирти шур чечек тесе?

Юрату вăл кĕтмен тăвăл,

Тăрса юлăн йӳтесе.

 

Юрату пыл пекех тутлă,

Эрĕм пек хăш-пĕр чухне.

Юрату çунатлă утлă,

Хупса хур чун читлĕхне.

 

Шур чечек çеçкине татса

Пĕлме çук юратнине.

Чечек пекех тухать шăтса, —

Куç ан хыв эс татнине.

 

Икĕ чун ăшши çуратĕ

Юратăвăн çеçкине.

Шур чечек пекех шуратĕ

Çамрăк ĕмĕр саккине.

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ: