«Ывăл чунлă Улжанăм...»

Виталий Станьял | Сăвă | 455


Ульчана хĕрĕме

 

Ывăл чунлă Улжанăм,

Кун çути Ульчат,

Сана саврăм та шантăм,

Эс хăтартăн мана.

 

Эс чăнах çирĕп чунлă,

Йăлт вйçеллĕ те шет.

Калаçмастăн хĕн-хурлă —

Ку сана килĕшет!

 

Фронтовик кукаçу пек

Курăнатăн йăлтах.

Нимле пылчăк та çӳпĕ

Варалаймĕ вăйна.

 

Пĕчĕк-печĕкçĕ хĕрĕм,

Пысăк-пысăк этем!

Ман пуçри тĕтĕм-сĕрĕм

Сирĕлет эс килсен.

 

Малашне те пул паттăр,

Тĕнчене виç те тат —

Сана Турă вăй патăр,

Патăр çĕнĕ хăват.

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ:

Шухăшсем