Ĕненӳ

Хам ĕмĕрте выçса эп курнă.

Виç кун хĕлхем яман ăша.

Питех кичем ун пек чух пурнăç.

Путатăн хăлтă шухăша.

Çак хурлăха çапах çын тӳсĕ.

Пур тепĕр манăçми саккун —

Пурнаймăн эсĕ ĕненусĕр,

Чĕре апачĕсĕр, пĕр кун.

Унран килет этем телейĕ,

Аташăн унсăр эс вăрах.

Пĕлетпĕр, вилĕмсĕр идея,

Эс çăкăртан та хаклăрах!

Хăпса ансан чуралăх каçĕ,

Чăн паттăрсем — тертре, хĕнре

Пĕр чашăк пăтăшăн сутмаççĕ

Тăван çĕршыв-аннемĕре.

Хăй асапне шăпа валеçĕ

Çитсессĕн ахăрсамана.

Кĕрешӳре вилсен вилеççĕ,

Çук, парăнмаççĕ тăшмана.

Çĕнĕ комментари хуш