Салтак сăмахĕ

Алексей Воробьев | Сăвă | 1956 | 552


Эп пĕчĕк çын, янравсăр ятăм.

Эп хапсăнмастăп нумая.

Çапах пĕлетĕп — мĕн вăл атом,

Чухлатăп атомри вăя.

 

Ман пĕлмелле те: Сталинградăн

Пуласлăхне хăтарнă кун

Хул ӳкрĕ хуçăлнă туратăн,

Хама шăварчĕ хамăн юн.

 

Ман пĕлмелле! Алхасрĕ çиçĕм,

Çунса кĕлленнĕ çут тĕнче.

Виç вăрçăра пулса аттеçĕм

Пуç хучĕ Витебск патĕнче.

 

Пĕлетĕп эп — ман савнă ывăл

Çуралнă çĕн хĕвел çутма.

Ăна ан хуçтăр вутлă тăвăл,

Вăл ан ылхантăр атома.

 

Эп пĕчĕк çын, кĕрлемĕ ятăм.

Мана мул-пурлăх кирлĕ мар.

Çапах калатăп:

— Мирлĕ атом,

Эс халăха пуянлăх пар!

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ:

Шухăшсем