Юмах
Йĕпе хирте çӳретĕп
Эп хур кĕтĕвĕпе.
Каçпа яла кĕретĕп
Йăмралăх айĕпе.
Пӳрте çуса тасатнă,
Мачча-урай çап-çут.
Кăмакана шуратнă
Ик си шăлса ик хут.
Анне тӳшек сарать те,
Выртатăп сак çине.
Ыйха кайса тăнлатăп
Вут-хĕм вĕркенине.
Вĕт çулăмăн кĕрлевĕ...
Турат çатăртатать...
Хурсем шуйлашнă евĕр
Çак сасă туйăнать.
Пĕлетĕп — вут тивет те
Хуранăн хăрăмне,
Хĕмсем çунаççĕ — вĕттĕн
Хыпса, çине-çине...
Хĕрсем каяççĕ тейĕн
Каç кӳлĕм çырлана...
Никам та çук — пĕлетĕп,
Пĕртен-пĕр эс кăна.
Хуралнă хăмăл тăрăх
Утан ман тĕлĕкре.
Хурсен мĕлкийĕ вăрăм
Куçа-куçа çӳрет.
Утан эс курăк витĕр —
Ик аллупа сирсе.
Утан — ман тĕлĕк витĕр
Ман асăма кĕрсе.
Çĕнĕ комментари хуш
Шухăшсем
Our AI-optimized traffic solution sends ...
кайăксем чăнахта лайăх чĕр - чунсем
Çитмĕлсенчен иртсен те, хаш сывлатпăр, А...
Цикори çинчен ытларах пĕлесшĕннччĕ ...
Замечательное поэтическое творение...
Аван çырнă вăл вăхăтра ...
Кам пĕлет И...
Тĕлĕнмелле çырнă...
Сахал сăмахсемпех питĕ тарăн шухăшсем уç...
Мана питĕ килĕшрĕ...