«Урăхла пурăнма эп пĕлместĕп...»

Урăхла пурăнма эп пĕлместĕп —

Усалли те, ырри те хамрах!

Хушăран пулкалатăп çиллес те,

Çепĕç кăмăл çавах ытларах.

Ан çилленĕр мана усаллишĕн,

Хама хам çилленни те çитет,

Кулянмастăп кун-çул ăнманнишĕн,

Кашнинех-çке хăйне май тивлет.

Пурнăçа ачаран юрататăп,

Пур ырри, усалли çĕр çинче,

Ыррине ытларах эп куратăп,

Çавăнпа та паха ÇУТ ТĔНЧЕ!

Çĕнĕ комментари хуш