Сасартăк...

Сасартăк кăшкăрас килет,

сасартăк: — Чарăн! Чарăн!

Ан кай манран! Кĕр ман киле,

çӳре, шавла!.. Ан парăн —

мана та! Ху çуттупала

ху çĕкленсе ху пурăн,

эп — çул юпи кăна пулам,

çулу çинче кăшт шуррăн

курнам кăна — мана çитет,

çулу — инçе утмашкăн.

Кирек ăçтан иртсессĕн те

пурĕпĕрех-иç саншăн!

Эппин, эппин, ирт ман çумпа,

манран инçе каймалăх

яланлăх уйăран çулпа

ирт — эп курса юлмалăх!

Çĕнĕ комментари хуш