Март

Алексей Воробьев | Сăвă | 1956 | 320


Çерçи пуххи йăмра çинче

Тем канашларĕ,

Пăр-р! саланчĕ.

Çав сасăпа тумла вăранчĕ,

Çинçен юрлать çурт çумĕнче.

Кăвак сăн çапнă лапама

Тӳпе янравĕ илтĕнет —

Çуркуннепе концерт пама

Март кĕмĕл чĕлĕх ĕнерет.

Кĕçех, çур кунĕ, юрă пуçлăн.

Сана кĕтсе, куратăп ак,

Дирижер пек тăрать мăнаçлăн

Çул хĕрринче хура курак.

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ: