«Чун кодексĕ пек пулнă Пил Сăмахĕ...»

Геннадий Айхи | Сăвă | 392


Чун кодексĕ пек пулнă Пил Сăмахĕ,

Кашни атте-анне чĕрин ахахĕ

Сасартăк çуталса каять асра, —

Данта вуланă пек аса илетĕп,

Ăшри йĕркелĕхе хывасчĕ тетĕп, —

Унпа пуласчĕ урăх халăхра.

 

Яшрах чухне — «лирикăлла» туяттăм,

«Уй евĕр пулăр» тенине чухлаттăм;

Халь — кăшкăрсах каласчĕ ыттине! —

«Аттемĕрсем, сире сума сусăччĕ;

Хальхи ăспа паян сире савсанччĕ!» —

Теетĕп пурнăçра çуккисене.

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ: