Хамашкал эп

Хамашкал ман туйăм. Хамашкал ман кăмăл.

Хамашкал пулнăран пурăнма та çăмăл.

Телейлĕ ман ĕмĕр. Телейлĕ эп — пĕлĕр!

Пысăк пуçлă çын мар, ятран кăна чĕнĕр.

Анне парнелерĕ мана çивĕч ăсне.

Атте парнелерĕ мăшăр кăвак куçне.

Ял-йышпа тăвансем вăй-хал парнелерĕç,

«Тăхăрьял ятне эс çĕклеме пĕл!» — терĕç.

Хамашкал ман туйăм. Хамашкал ман кăмăл.

Хамашкал пулнăран пурăнма та çăмăл.

Çĕнĕ вăйпа эп кĕрĕп Çĕнĕ ĕмĕре,

Çĕкленсе таптăрах ман кăварлă чĕре!

Çĕнĕ комментари хуш